Fiainana mpanakanto – Mandà ny maha sekta ny antokom-pinoana misy azy ry Poopy

 resabe, hatrany anaty tambajotra sosialy any anaty tranonkala ny fiovam-pinoan’i Poopy, ilay mpanakanto malaza fantatra tamin’ny fiangaliana ireo hira ara-pilazantsara nitiavan’ireo mpankafy azy.

Raha sekta amin’ny ankapobeny no nanasokajiana ireo fiangonana maro isan-karazany ivelan’ireo fiangonan-dehibe nisy hatrizay teto Madagasikara, dia mandà ry Poopy fa tsy ao anatin’izany ny ny fiangonana misy azy ankehitriny (Ndlr: Vakio Ao Raha laharana 2205).

Ny teny ao anaty Baiboly hatrany no nentiny nanamarinana izany. “Tany an’efitra no teraka ny fivavahana hebreo ary tao amin’ny tanin’Israely koa no teraka ny fivavahana Notsri izay notarihin’I Ieshua Hamashiah (na Jesoa Kristy). Nony maty daholo ny Apostoly rehetra tamin’ny taona 105 dia niova tanana io fivavahan’ny zanak’Israely io ka lasan’ny Grika. Kristianisma no anarany. Teo no nanomboka ny tena sekta”, hoy i Poopy.

“Sekta ny Katolika…

Tsy nisalasala ity mpanakanto ity nilaza fa “ny finoana katolika niforona tamin’ny 7 marsa 321, ny ôrtôdôksa niforona tamin’ny 1054, ny loteranina tamin’ny 31 oktobra 1534, ny anglikanina tamin’ny 1534, ny kalvinisma (protestantisma) tamin’ny 1536 izay teraka tao Eoropa no tena sekta, fa tsy izahay izay miverina amin’ny Andriamanitry ny razanay. Izahay no tompony”, hoy izy naneho ny heviny. Mbola nohamafisiny tao anatin’izany, araka ny fampianarana nampitaina taminy amin’izao finoana vaovao arahiny izao , fa “Hebreo ny Malagasy”.

Nanindrom-paingotra ireo fiangonan-dehibe eto Madagasikara i Poopy raha nilaza fa “misy antony matoa gisitra eo amin’ny sehatra ara-toekarena i Madagasikara, kanefa ny fiangonana sasany mahavita manao fidirana indroa na intelo… Ireo karazana teratany vahiny no mifehy ny firenena. Manitikitika ny saina ny mahakasika ireo fiangonana voatondro fa manodinkodim-bola, ireo mpitondra fivavahana manolan-jaza…”, hoy izy.

Tiana ho marihina fa ny teny hoe « secte » na sekta, amin’ny teny fanagasiana azy dia voalaza fa avy amin’ny teny latina hoe « secta » izay midika hoe “lalana arahina”. Mety ho antoko io arahina io, mety ho foto-kevitra ara-pilôzôfika, mety ho finoana ihany koa.

Hanitry Ny Aina

 http://www.aoraha.com/fiainana-mpanakanto-manda-ny-maha-sekta-ny-antokom-pinoana-misy-azy-ry-poopy/

Faritra Anôsy. 113.435,56kg ny vokatra jono nandritra ny taona 2012 any Faradofay

Nandritra ny resadresaka nifanaovana tamin’ny talen’ny sampandraharaha misahana ny jono sy ny harena anaty ranomasina any amin’iny faritra Anôsy iny no nahafantarana fa mahatratra eo 113 435,56 Kg (113,435 Tonnes) eo ny vokatra langoustes tamin’ity taom-panjonoana 2012 ity. 

Mpanjono iray miaraka amin'ny oratsimba azony
© http://valeriefortdauphin.files.wordpress.com

Mpandraharaha 06 samy efa matihanina avokoa no mitrandraka ny vokatra ary mahafeno ny fepetra avokoa na eo aza ny tsy fanarahan-dalàna madinidinika, araka ny nambaran’ny tomponandraikitra. 

Amin’ny ankapobeny voahaja ireo fepetra napetraky ny ministera mpiahy tamin’iny taona iny. Raha amapahatsiahivina araka ny lalàna manan-kery amin’izao fotoana, mifehy ny Jono langouste na oratsimba dia ny 1er Janoary ka hatramin’ny 30 Septembra no fotoana azo itrandrahana ny oratsimba, mikatona kosa ny jono ny1er Oktobra hatramin’ny 31desambra. 

Zany hoe manomboka amin’io volana Janoary mitsidika io dia haresaka ny morondranomasina. Akoatra izay tsy azo atao ny maka ireny oratsimba na langoustes mitondra atodiny, sy ireo langouste latsaky ny 20cm. Mba ahafahana mampitombo ny vokatra tsy ho lany tamingana no anton’izany. 

Amin’ny ankapobeny hoy ity talem-paritra ity dia anisan’ny mampidi-bola hoan’ny faritra sy ny fitondrana Malagasy ity vokatra iray ity. Na eo aza anefa ny ezaka ataon’ny tsirairay dia Mbola misedra olana ireo mpiasa sy ireo mpandraharaha ao amin’ity sampana iray any Anôsy. Midadasika ny faritra iasana satria mahatratra eo amin’ny 194km eo ny halavan’ny morontsiraka na morondranomasina. Ny fitaovana eo am-pelantanana tsy ampy mba tsy hilazana hoe tsy misy satria dia motos roa ihany no itambaran’ireo mpiasa ireo. Ny lalana sady kizo no ratsy. Hetahetan’ ny mpandraharaha ny hanana fitaovana mifandraika amin’ny asa atao, mba ahafahana manome vokatra tsara kokoa. Ireo mpanjono osa no jerena iza haha-matihanina azy ireo ary nambaran’ity talem-paritra ity fa tsara raha mba misy ny atrik’asa lehibe hifampidinihana mahakasika ity jono langoustes ity any Faradofay. Tamin’ny resa-dresaka ihany no nanomezana ny fivoaran’ny jono langouste tany amin’ny faritra Anôsy, nanomboka ny taona 2002 ka hatramin’ity taona 2012 ity. 

Ny vokatry ny fanjonoana oratsimba tany amin'ny faritra Anosy nanomboka ny taona 2002
© -

Mahakasika ireo orin’sa araka ny loharanom-baovao azo tamin’ny tomponanadaraikaitra, enina izy ireo zay samy manana ny maha izy azy avy: 
-Martin Pécheur: 46.806,486kg ; 
-Madapêche:41.446,95kg ; 
-Mme Myriam :1764,00kg ; 
-SoiexT/CVM :5736,35kg ; 
-MSP:6609kg; 
ary EMI:836kg 

Ny sisa kosa na autres circuits:10236,31kg. Ireo no Mitotaly: 113435,56kg na 113,435tonnes ny vokatra ny taom-panjonoana 2012. 

Mahakasika ny vola miditra kosa indray nomarihiny fa ny fitondrana foibe no mikirakira azy io. Amin’ny ankapobeny ,anisan’ny faritra manana ny maha izy azy iny faritra Anôsy iny eo amin’ny resaka toe-karena raha voatrandraka ara-dalàna ireo harena maro samihafa any an-toerana hoy ireo mpandraharaha ara-toekarena. Nomarihin’ny talem-paritry ny sampandraharaha misahana ny jono sy ny harena an-dranomasina any Anôsy, Atoa Razafimandimby fa na eo aza ireo olana ,tsy mahasakana ireo ekipa tsy hanao ny asany amin’ny tokony ho izy izany. 

Fampanantenan’ny Filoha Rajoelina

Raha ny mahakasika ireo mpandraharaha manokana dia nanolotra tondrozotra ifampifehezana amin’ny fitondrana izy ireo nandritra io fihaonana fifampiarahabana tamin’ny janoary 2012 io. 
Nisy ny fampanantenana nataon’ny Filoha Rajoelina tamin’ireo mpandraharaha eto Madagasikara nandritra ny fifampiarahabana nifanaovany tamin’ izy ireo teny Iavoloha ny janoary 2012. Nilaza ny mpandraharaha sasany nanontaniana fa mbola tsy nisy anefa ny fanatanterahana izany hatramin’izao, herintaona aty aorian’ilay fihaonana io. Raha tsiahivina dia anisan’ireo nihaona tamin’ny Filohan’ny tetezamita ihany koa ny mpanakanto, ary ny mpanao fanatanjahantena nandritra io fifampiarahabana noho ny fetin’ny Asaramanitra io. Efa saika nahazo ny anjarany daholo na ny mpanakanto, na ny mpanao fanatanjahantena. Tsangambaton’izany rahateo ireo fotodrafitrasa notokanana teny Antsonjombe sy ny kianja Makis manamorona ny arabe « digue » akaikin’Andohatapenaka raha tsy hilaza afa tsy ireo. Raha ny mahakasika ireo mpandraharaha manokana dia nanolotra tondrozotra ifampifehezana amin’ny fitondrana izy ireo nandritra io fihaonana fifampiarahabana tamin’ny janoary 2012 io. Mizara izy io ka misy ny antomotra ezaka, ary misy ny antonony sy lavitr’ezaka. Voalohany, ao anatin’ny fotoana fohy dia haloa ny vary mangatsiaka trosan’ny fanjakana amin’ny mpandrahara. Hojerena ny famahana ny olan’ny delestazy. Hisy ny fiaraha-midinika eo amin’ny mpandraharaha sy ny fitondrana. Hojerena ny momba ireo mpandraharaha mpitsinjara solika ( toby fivarotan-dasantsy). Hojerena ihany koa ny fiantohana ny fiarovana sy ny fandriampahaleman’ireo mpanao fitaterana, eo amin’ny aina sy ny fananana. Harovana ny indostria malagasy manoloana ny fitobahan’ireo entana vahiny. Faharoa, eo amin’ny ezaka antonony dia hirosoana ny fampiharana ny fifanakalozan-kevitra eo amin’ny sehatra tsy miankina sy ny fanjakana. Farany, eo amin’ny lavitr’ezaka dia hapetraka ny fiaraha-miombona antoka eo amin’ny fanjakana sy ny sehatra tsy miankina. 
Fa anisan’ny zavatra nandrandrain’ireo mpandraharaha rava fananana tamin’ny 29 janoary 2009 ihany koa ny fanomezan’ny fanjakana fanampiana ho azy ireo. Fa na ho an’ireo niharamboina ireo na ho an’ny mpandraharaha amin’ny ankapobeny dia anisan’ny nandrandrain’izy ireo fatratra izay mba ho fitsinjovan’ny fanjakana manokana azy ireo teo amin’ny lafiny hetra sy haba, izany hoe fanalefahana ny haba sy ny hetra aloany. Milaza ireo mpandraharaha fa tsy tena mbola nisy ny fanatanterahana an’io.